ԵՐԵՎԱՆ, 22 սեպտեմբերի – Sputnik. ԶՈւ հատուկ նշանակության ստորաբաժանումների ընդգրկմամբ զորավարժությունների շրջանակում դիվերսիոն-հետախուզական խմբերն իրականացրել են վիրավոր ծառայակիցների տարհանման հատուկ գործողություն: Տեղեկությունը հայտնում է ՀՀ պաշտպանության նախարարությունը։
Ըստ հաղորդագրության` պայմանական հակառակորդի վերահսկողության տակ անցած դիրքերը հետ գրավելու ժամանակ հատուկջոկատայինները մարտի դաշտից դուրս են բերել վիրավորներին։
Այնուհետև հատուկջոկատայիններն ամրացել են մարտական հենակետերում, մինչև մոտոհրաձգային ստորաբաժանումների ժամանումը։