ԵՐԵՎԱՆ, 21 սեպտեմբերի – Sputnik. Թուրքիանգործով ցույց տվեց, թե ինչ է իրենից ներկայացնում որպես Ռուսաստանի գործընկեր` ցուցադրաբար հայտարարելով Ղրիմում ընտրությունները չճանաչելու մասին, Telegram-ի իր էջում գրել է քաղաքագետ Եվգենի Սատանովսկին:
Նա կարծում է, որ Ռուսաստանն այս հայտարարությանը պատասխանելու շատ տարբերակներ ունի։
«Այս պահվածքին տարբեր պատասխաններ կարող են լինել, և բացառված չէ, որ թուրքերի համար դժվար լինի սիրիական Իդլիբում, որտեղ նրանց հովանավորած գրոհայիններին կռմբակոծեն մինչև վերջ։ Կամ քրդերի մոտ հանկարծակի խոցման միջոցներ ի հայտ կգան, որոնք նրանց թույլ կտան լուրջ կորուստներ պատճառել իրենց հողերում տեղավորվող թուրքական արշավային կորպուսին։ Կամ էլ Լիբիայում, Ադրբեջանում կամ թուրքական արտաքին էքսպանսիայի աճող գոտու որևէ այլ տեղում ինչ-որ բան նրանց մոտ փչանա»,-գրել է քաղաքագետը։
Սատանովսկին կարծում է նաև, որ հազիվ թե այս իրավիճակն էապես ազդի առևտրային համագործակցության վրա, և հիմնական համատեղ նախագծերը չեն տուժի։ Նա նման հարաբերությունները տարօրինակ է անվանում։
Քաղաքագետի կարծիքով`այս ֆոնին թուրքական «մշակութային կենտրոնների մասին Մոսկվայում և Կազանում կսկսեն ավելի մանրակրկիտ հոգ տանել», բայց Էրդողանին դա պետք չէ, քանի որ ըստ նրա «Ռուսաստանում երկրի կեսը թյուրքական հողեր են», ինչը Թուրքիայի նախագահի համար «նույնպիսի ապագա Թուրքիա է, ինչպես Միջին Ասիան, Ղազախստանը, Ադրբեջանն ու Ղրիմը»:
Դիտարկելով Ռուսաստանի հանդեպ Թուրքիայի ընկալումը` Սատանովսկին ընդգծում է, որ «թուրքերը չպետք է իրենց տրամադրվող հնարավորությունները օգտագործեն որպես Ռուսաստանի խորքերը գցվող կարթեր»։