Բռնցքամարտիկ Արմեն Մաշակարյանը հաղթել է ադրբեջանցի մրցակցին. տեսանյութ

ԵՐԵՎԱՆ, 19 սեպտեմբերի – Sputnik. Հայ բռնցքամարտիկ,69 կգ քաշային Արմեն Մաշակարյանը բանակայիների աշխարհի առաջնությունում հաղթանակ է տոնել ադրբեջանցի բռնցքամարտիկի նկատմամբ։ Տեղեկանում ենք Հայաստանի բռնցքամարտի ֆեդերացիայի ֆեյսբուքյան էջից։

Նշվում է, որ Մոսկվայում ընթացող մրցաշարում Մաշակարյանը մրցել է Սարկխան Ալիևի հետ և հաղթել 3:2 հաշվով։

Ի դեպ, մենամարտից հետո ադրբեջանցի մարզիկը հրաժարվել է ավանդական ձեռքսեղմումից ու գլխիկոր հեռացել ռինգից։