ԵՐԵՎԱՆ, 18 սեպտեմբերի – Sputnik. Թիվ 31 ՏԸՀ-ում այսօր` սեպտեմբերի 18–ին, տեղի ունեցավ հոկտեմբերի 17-ին Գյումրիում կայանալիք ՏԻՄ ընտրություններին մասնակցող քաղաքական ուժերի վիճակահանությունը:
Որոշվեց, թե որ ուժը քվեաթերթիկի որ համարով կներկայանա:
Նշենք, որ բացի Քաղաքացիական պայմանագիր կուսակցությունից, մնացած բոլոր ուժերը ներկա էին և մասնակցեցին վիճակահանությանը:
ՔՊ-ի փոխարեն վիճակահանությունն իրականացրեց թիվ 31 ՏԸՀ նախագահ Տիգրան Ղազարյանը:
"Երևի թյուրիմացություն է եղել իրար մեջ, թե ով պետք է գա, դրա համար չեն եկել: Համ էլ հերթական համարը 10-րդն էր, վերջում մնացել էր էդ մի ձվիկը (նկատի ունի պարկուճները, որոնց մեջ դրված էին վիճակահանվող թվերը), ես հանեցի: Սա զուտ տեխնիկական հարց էր",-Sputnik Արմենիայի հետ զրույցում ասաց ՏԸՀ նախագահը:
Ըստ վիճակահանության արդյունքների` Գյումրու ՏԻՄ ընտրությունների քվեաթերթիկն այս տեսքը կունենա
1.
«Հայրաքաղաք» դաշինք2.
«Արժանապատիվ ուղի» կուսակցություն3.
ՀՀԿ4.
«Քաղաքացիական պայմանագիր» կուսակցություն5.
«Զարթոնք» ազգային-քրիստոնեական կուսակցություն6.
ՀԿԿ7.
«Գյումրին կռնա» դաշինք8.
«Բալասանյան դաշինք» սոցիալական կուսակցություն9.
«Թասիբով» դաշինք10.
«Ապրելու երկիր» կուսակցությունՀիշեցնենք` ԿԸՀ որոշմամբ` այս տարի ՏԻՄ ընտրություններ կանցկացվեն հոկտեմբերի 17-ին, նոյեմբերի 14-ին ու դեկտեմբերի 5-ին։