ԵՐԵՎԱՆ, 17 սեպտեմբերի - Sputnik. ԵԱՀԿ Խորհրդարանական վեհաժողովի նախագահ Մարգարետա Սեդերֆելտը ԵԱՀԿ մշտական խորհրդի նիստին իր ելույթում խոսել է Լեռնային Ղարաբաղում տևական խաղաղություն հաստատելու անհրաժեշտության մասին:
«Չնայած Լեռնային Ղարաբաղի տարածաշրջանում հրադադարի հաստատմանը` շատ ավելին պետք է անել, որպեսզի տարածաշրջանում երաշխավորվի տևական խաղաղություն և թեթևացվեն խաղաղ բնակիչների տառապանքները», – ասել է Սետերֆելդը։
Նրա խոսքով` ԵԱՀԿ ԽՎ-ն, հիմնվելով Հայաստանի և Ադրբեջանի խորհրդարանների հետ իր լավ համագործակցության վրա, պատրաստ է խրախուսել միջխորհրդարանական երկխոսությունը՝ աջակցելու խաղաղության հաստատման գործընթացին։
Սետերֆելդը նույն նիստին խոսել է նաև Վրաստանից, Մոլդովայից, Ուկրաինայից, Աֆղանստանից և այլ երկրներում առկա խնդիրներից։