ԵՐԵՎԱՆ, 17 սեպտեմբերի – Sputnik. Ռուսական էստրադայի աստղ Ֆիլիպ Կիրկորովը Երևանում է։ Երգիչը տեղեկությունը հայտնել է Instagram-ի իր էջում՝ տեսանյութ հրապարակելով օդանավակայանից։ Կադրերում երևում է, որ երգչին դիմավորել է «Նոր ալիք 2021»-ի հաղթող Սարո Գևորգյանը։
«Բարև ձեզ։ Դիմավորիր, Երևան»,- ասում է Կիրկորովը տեսանյութում ։
Նշենք, որ ավելի վաղ Սարո Գևորգյանը հայտնել էր, որ առաջիկայում մեկնելու է Մոսկվա` իր կարիերան սկսելու, որովհետև Ֆիլիպ Կիրկորովից առաջարկ է ստացել։
Երգիչը նաև նախատեսում է մասնակցել «Եվրատեսիլին»։ Կիրկորովը խոստացել է, որ այդ երգն ինքն է գրելու։