Sputnik Արմենիան ներկայացնում է աշխարհի ղեկավարներից յուրատիպ ֆոտոշարք, որում կտեսնեք ձեզ հայտնի շատ դեմքերի՝ Ուկրաինայի նախագահ Վլադիմիր Զելենսկուց մինչև Մեծ Բրիտանիայի «հավերժ թագուհի» Եղիսաբեթ երկրորդ։
Պաշտոնյաները սովորական մարդկանցից ավելի հաճախ են ստիպված «լուրջ» հագնվել, միգուցե այդ պատճառով էլ նրանց համեմատաբար անլուրջ տեսքը այսքան հետաքրքիր է մեզ։
Ու կապ չունի` այդ անլրջությունը ծաղրածուի հագուստն է, թե ընդամենը կարմիր գուլպաները։
Ֆոտոշարքում են նաև Մեքսիկայի և Ֆրանսիայի նախագահները, որոնք իրենց հիանալի են զգում հնդկական և պոլինեզիական հանդերձանքներով և զարդերով:
Մի լուսանկարում էլ Աֆրիկյան ազգային կոնգրեսի ղեկավարը նիզակներ է թափահարում տեղական ավանդական հարսանիքի ժամանակ, ճապոնացի կայսրն էլ յուրատիպ հանդերձանքով հայտնվել է տաճարում։