ԵՐԵՎԱՆ, 16 սեպտեմբերի - Sputnik. ՀՀ կառավարության նիստում ընդունված որոշմամբ այսօր վարչապետի աշխատակազմին պատկանող "Գազել" մակնիշի ավտոմեքենան անհատույց սեփականության իրավունքով հանձնվեց Զանգակատուն գյուղի միջնակարգ դպրոցին։
Նման առաջարկով ՀՀ տարածքային կառավարման ու ենթակառուցվածքների նախարարությանը դիմել էր Արարատի մարզպետը։ Նա տեղեկացրել էր, որ մարզի լեռնային գոտում գտնվող Վարդաշատ համայնքում դպրոց չկա, և գյուղի երեխաները ստիպված ամեն օր ոտքով հասնել 3 կիլոմետր հեռավորությամբ գործող Զանգակատան դպրոց։
Կառավարության նվիրատվության շնորհիվ Վարդաշատի դպրոցականները Զանգակատան դպրոց կգնան ավտոմեքենայով։