ԵՐԵՎԱՆ, 16 սեպտեմբերի - Sputnik. Կորոնավիրուսի «Դելտա» շտամի տարածմամբ պայմանավորված` Հայաստանում գրանցվել է մահացության ու հիվանդության ծայրահեղ ծանր ընթացքի ավելացում։ Այսօր կառավարության նիստում հայտնեց ՀՀ առողջապահության նախարար Անահիտ Ավանեսյանը։
«Եթե անցյալ տարի մենք ունենում էինք 764 դրական դեպք, հոսպիտալացման տոկոսը կազմում էր շատ ավելի նվազ, քան հիմա։ Սա ի՞նչ է նշանակում։ Նույն ցուցանիշի պարագայում մենք զբաղեցնում ենք շատ ավելի շատ մահճակալներ, և մեր մահճակալային ֆոնդը շատ ավելի արագ է սպառվում», –ասաց Ավանեսյանը։
Նա նաև հայտնեց, որ այս պահին ՀՀ–ում կորոնավիրուսին հատկացված 2044 մահճակալներից զբաղված են 1860–ը, իսկ վերակենդանացման 319 մահճակալներից` 289-ը։
Հիվանդանոցում բուժում ստացող քաղաքացիների 97-98 տոկոսը կորոնավիրուսի դեմ չպատվաստված քաղաքացիներն են։