Բենզատարներից մեկի վարորդը Sputnik Արմենիային պատմեց, որ ադրբեջանական անցակետի մոտով անցնելիս իրենց պահանջել են 360 դոլար։
Նրա մոտ փող չի եղել։ Ադրբեջանցիները բաց են թողել նրան՝ պայմանով, որ նա վճարի վերադարձի ժամանակ։ Բայց նրա մոտ հիմա էլ փող չկա։
Նման փակուղային վիճակում են հայտնվլ, ըստ նրա, նաև մյուս վարորդները։ Նրանք չգիտեն ինչ անել, քանի որ վերադարձի այլ ճանապարհ չունեն։
«Պարսկերեն, պարսկերեն ասեմ, երկար ժամանակ է այստեղ ենք, երեկվանից այստեղ ենք, Ադրբեջանի ուժերը մեզ կանգնեցրել են և գումար են պահանջում։ Մենք ուզում ենք դատարկ Պարսկաստան գնալ, բայց Ադրբեջանի ուժերը մեզնից տուրք են պահանջում, յուրաքանչյուր մեքենայի համար մոտ 380 դոլար մաքսային տուրք, մենք սպասում ենք` տեսնենք հարցը կլուծվի թե ոչ, դրան ենք սպասում»,-նշեցին վարորդները։
Հիշեցնենք, որ այս տարվա սեպտեմբերի 9-ին Սյունիքի մարզի Որոտան գյուղի հատվածում ադրբեջանցիները ոստիկանական հենակետ են բացել։ Սեպտեմբերի 11-ից նրանք կանգնեցնում են բեռնատարներին և ստուգում վարորդների փաստաթղթերը։