ԵՐԵՎԱՆ, 16 սեպտեմբերի -Sputnik. Դուշանբեում մեկնարկել է ՀԱՊԿ անդամ պետությունների ղեկավարների նիստը, փոխանցում է ՌԻԱ Նովոստին։
Նշվում է, որ Ռուսաստանի նախագահ Վլադիմիր Պուտինը տեսակապով է մասնակցում միջոցառմանը, մյուս առաջնորդները, ինչպես նաև գլխավոր քարտուղար Ստանիսլավ Զասը ներկա են:
Գագաթնաժողովից մի քանի օր առաջ Ռուսաստանի առաջնորդը հայտնել էր իր շրջապատում կորոնավիրուսով հիվանդացածների առկայության պատճառով ինքնամեկուսացման է գնում։
ՀՀ վարչապետ Նիկոլ Փաշինյանը Տաջիկստանի մայրաքաղաք է մեկնել երեկ երեկոյան: Ինչպես արդեն հայտնել էինք, որ հանդիպման ընթացքում նա կներկայացնի Հայաստանի առաջնահերթությունները, որին նիստի ընթացքում անցնում է կազմակերպության նախագահությունը:
ՀՀ կառավարության ղեկավարը երկկողմ բանակցություններ կվարի Տաջիկստանի նախագահ Էմոմալի Ռահմոնի հետ:
Հավաքական անվտանգության խորհրդի անդամները կքննարկեն նաև միջազգային և տարածաշրջանային անվտանգության հրատապ խնդիրները ու Հավաքական անվտանգության պայմանագրի կազմակերպության գործունեության հիմնական արդյունքները:
Նշենք, որ ՀԱՊԿ-ին անդամակցում են Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը: