ԵՐԵՎԱՆ, 15 սեպտեմբերի - Sputnik. Հայաստանի և Ռուսատանի դատախազներն այսօր Հայաստանում մասնակցել են «Թվային ֆինանսական ակտիվների անդրսահմանային ապօրինի տեղաշարժման և կիբեռհանցավորության դեմ պայքարի հարցերով» փորձագիտական հանդիպմանը և կոռուպցիոն հանցագործությունների վերաբերյալ քրեական գործերով դատախազական հսկողության արդյունավետության բարձրացման թեմայով կլոր սեղանին:
Հայ և ռուս դատախազների հանդիպումը Երևանում
Ողջունելով ՌԴ գլխավոր դատախազության պատվիրակության անդամներին` ՀՀ գլխավոր դատախազի տեղակալ Գևորգ Բաղդասարյանը նշել է, որ ՀՀ դատախազությունը հատուկ նշանակություն է տալիս ՌԴ գլխավոր դատախազության հետ սերտ գործակցության խորացմանը, երկու գերատեսչությունների միջև ձևավորված հարաբերություններին։ Իսկ փոխադարձ վստահությունն ու կառուցողական երկխոսությունը, նրա խոսքով, թույլ են տալիս համատեղ լուծել այնպիսի իրավական խնդիրներ, որոնք ոչ միշտ է հնարավոր կարգավորել միջազգային համաձայնագրերի միջոցով:
Հայ և ռուս դատախազների հանդիպումը Երևանում
Կլոր սեղանի ընթացքում երկու երկրների դատախազները քննարկել են հանցավոր ճանապարհով ձեռք բերված գույքը հատկապես աշխարհում տարածում գտնող ոչ ավանդական եղանակներով (առցանց POS տերմինալներով, ինտերնետ և բջջային բանկինգի, թվային քսակների, կրիպտորաժույթների) կատարվող գործարքներով օրինականացելու, կոռուպցիոն բնույթի քրեական գործերի քննության, դրանց դրանց նկատմամբ դատախազական հսկողության առանձնահատկությունները։
Քննարկվել են նաև ՌԴ-ում և ՀՀ-ում անօրինական ակտիվների բռնագանձման մեխանիզմները, գործակցության կարողությունները, այս ոլորտներում դատախազների մասնագիտացման նշանակությունը: