Առուշ Առուշանյանի կալանքի հարցով Վերաքննիչ դատարան բողոք է ներկայացվել

ԵՐԵՎԱՆ, 14 սեպտեմբերի – Sputnik. Գորիսի քաղաքապետ Առուշ Առուշանյանի կալանքի հարցով Վերաքննիչ դատարան բողոք է ներկայացվել։ Տեղեկությունը Facebook–ի իր էջում հայտնում է Առուշանյանի պաշտպան Էրիկ Ալեքսանյանը։

«Առուշանյանի նկատմամբ ընտրված խափանման միջոց կալանավորումն անփոփոխ թողնելու մասին` ՀՀ Սյունիքի մարզի առաջին ատյանի դատարանի սեպտեմբերի 10-ի որոշման դեմ վերաքննիչ բողոք է ներկայացվել»,–գրել է Ալեքսանյանը։

Հիշեցնենք, որ Առուշանյանը կալանավորվել է հուլիսի 16-ին:

Գորիսի համայնքապետին մեղադրանք է առաջադրվել ՀՀ քրեական օրենսգրքի 35-154.2-րդ հոդվածի 4-րդ մասի 2-րդ կետով, 38-149-րդ հոդվածի 2-րդ մասի 4-րդ կետով և 38-154.2-րդ հոդվածի 3-րդ մասով (քվեարկության գաղտնիությունը խախտելը, ընտրական իրավունքի իրականացմանը խոչընդոտելը)։