ԵՐԵՎԱՆ, 13 սեպտեմբերի – Sputnik. Ամերիկացի երգչուհի Բրիթնի Սփիրսը հայտարարել է, որ նշանվել է։ Նրա ընտրյալը նրա ընկեր Սեմ Ասգարին է:
39-ամյա Սփիրսը այդ լուրը հայտնելու համար կարճ տեսագրություն է հրապարակել Instagram-ում, ցուցադրել նշանադրության մատանին։
«Գրողը տանի, չեմ հավատում», - գրել է երգչուհին։
Սփիրսն ու ֆիթնես մարզիչ Ասգարին սկսել են հանդիպել 2016 թվականին «Slumber Party» տեսահոլովակի նկարահանումներից հետո: «People»–ը հայտնում է, որ Ասգարիի մենեջեր Բրենդոն Քոենը հաստատել է նշանադրության փաստը:
«Այսօր զույգն իր երկարատև հարաբերություններին պաշտոնական բնույթ հաղորդեց»,– ասել է նա։
Մենեջերի խոսքով՝ զարդը պատրաստել է Նյու Յորքից ժամանած ոսկերիչը, որը կարողացել է յուրօրինակ մատանի սարքել։