ԵՐԵՎԱՆ, 10 սեպտեմբերի – Sputnik. Այսօր՝ սեպտեմբերի 10-ին, միկրոավտոբուսի մասնակցությամբ խոշոր ու շղթայական ավտովթար է տեղի ունեցել Երևանում, կան տուժածներ։ Տեղեկությունը հայտնում է shamshyan.com–ը։
Նշվում է, որ ժամը 20:50-ի սահմաններում Իսակովի պողոտայում՝ ԱՄՆ դեսպանատան հարևանությամբ, բախվել են BMW X5, Hyundai Elantra, Nissan և թիվ 24 երթուղին սպասարկող միկրոավտոբուսը:
Բախման հետևանքով, ըստ նախնական տեղեկությունների, 2 հոգի քաղաքացիական ավտոմեքենաներով տեղափոխվել են հիվանդանոցներ:
Ոստիկանությունը պարզում է վարորդների և վիրավորների ինքնությունը: