ԵՐԵՎԱՆ, 10 սեպտեմբերի – Sputnik. ՀՀ զինված ուժերում ինքնասպանությունների դեպքերի ու դրանց կանխարգելման ուղիների թեման այսօր քննարկել են ՀՀ ՊՆ–ում կայացած հավաք-խորհրդակցությունում։ Տեղեկությունը հայտնում է ՀՀ ՊՆ մամուլի ծառայությունը։
Совещание по теме случаев самоубийств в Вооруженных Силах и путей предотвращения (10 сентября 2021). Еревaн
© Photo : official site of MoD of RA
Քննարկմանը մասնակցել են ՀՀ պաշտպանության նախարարի տեղակալ Արման Սարգսյանը, ՀՀ վարչապետի աշխատակազմի ղեկավար Արայիկ Հարությունյանը, վարչապետի օգնական Աննա Վարդապետյանը, ՀՀ ԶՈւ ստորաբաժանումների բարձրաստիճան սպաներ, պետական ու հասարակական կառույցների ներկայացուցիչներ, հոգեբան-դասախոսներ ու հոգևոր սպասավորներ։
Совещание по теме случаев самоубийств в Вооруженных Силах и путей предотвращения (10 сентября 2021). Еревaн
© Photo : official site of MoD of RA
Արայիկ Հարությունյանն ընդգծել է, որ պետք է ներդնել առավելագույն ջանքերը զինծառայողների ինքնասպանությունների կանխարգելման աշխատանքների արդյունավետությունը բարձրացնելու ուղղությամբ։
Անդրադարձ է կատարվել ՀՀ զինված ուժերում 2021թ. տեղի ունեցած ինքնասպանության դեպքերի վերլուծությանը, ներկայացվել են կանխարգելման ուղիների վերաբերյալ առաջարկություններ։