ԵՐԵՎԱՆ, 9 սեպտեմբերի – Sputnik. «Հայփոստը» սեպտեմբերի 9-ից, ժամը 16:00-ից սկսած ժամանակավորապես չի վճարում կանխիկ եղանակով կենսաթոշակի և մինչև 2 տարեկան երեխայի խնամքի նպաստի վճարումները։ Ընկերությունը հաղորդագրություն է տարածել` պարզաբանելով պատճառը։
««Հայփոստը» չի ստացել բավարար չափով դրամական միջոցներ ՀՀ աշխատանքի և սոցիալական հարցերի նախարարության միասնական սոցիալական ծառայության կողմից»,– նշված է հաղորդագրության մեջ:
Ֆինանսավորումը ստանալուն պես վճարումներն անմիջապես կվերսկսվեն:
Ընկերությունը հայցում է շահառուների ներողամտությունը: