ԵՐԵՎԱՆ, 8 սեպտեմբերի – Sputnik. Այսօր Երևանի շենքերից մեկի բակում 59-ամյա կնոջ դի է հայտնաբերվել։ Տեղեկությունը հայտնում է shamshyan.com-ը։
Ժամը 13:40–ի սահմանում ԱԻՆ–ն ու ոստիկանությունը ահազանգ են ստացել, որ Արզումանյան փողոցի 32 շենքի դիմաց կնոջ դի կա:
Քանի որ դին հայտնաբերվել է տեսանելի վայրում, հրշեջ-փրկարարների օգնության կարիք չի եղել:
Ոստիկաններն ու քննիչները պարզել են, որ մահացածը նշված շենքի բնակիչ, 59-ամյա Մարգարիտա Դ.-ն է:
Փաստի առթիվ քննչական բաժնում նյութեր են նախապատրաստվում: Կատարվում է նախաքննություն պարզելու համար՝ տեղի ունեցածը ինքնասպանություն է, թե դժբախտ դեպք: Քննիչի որոշմամբ` նշանակվել են մի շարք փորձաքննություններ, այդ թվում՝ դիակի դատաբժշկական: