Ի՞նչ է ասել Կապառոսը ֆուտբոլիստներին Գերմանիայում. Բայրամյանը փակագծեր է բացել

ԵՐԵՎԱՆ, 7 սեպտեմբերի – Sputnik. Լիխտենշտեյնի հետ խաղը ցույց կտա, թե որքանով է հայ ֆուտբոլիստներին հաջողվել հետևություններ անել Շտուտգարտում կրած խոշոր պարտությունից: Խաղից առաջ կայացած մամուլի ասուլիսի ժամանակ ասել է Հայաստանի հավաքականի կիսապաշտպան Խորեն Բայրամյանը։

Նրա խոսքով ՝ Գերմանիայի հետ խաղից հետո Խոակին Կապառոսը հանդերձարանում ասել է, որ ֆուտբոլում ամեն ինչ լինում է, և պետք չէ ընկճվել։

«Գիտենք նաև, թե որքան կարևոր խաղ է մեզ սպասվում վաղը: Վաղը պետք է դաշտ դուրս գանք սառը գլխով և տաք սրտով», - ասել է Բայրամյանը։

Հիշեցնենք՝ Հայաստանի հավաքականը սեպտեմբերի 5–ին Շտուտգարդում 0-6 հաշվով պարտություն կրեց Գերմանիայից և նահանջեց մրցաշարային աղյուսակի երկրորդ հորիզոնականը:

Այսպիսով, 5 տուրից հետո հավաքականն ունի 10 միավոր: Հայ ֆուտբոլիստները երեք հաղթանակ են տարել ընտրական փուլի մեկնարկին՝ հաղթելով Լիխտենշտայնին (1: 0), Իսլանդիային (2:0) և Ռումինիային (3:2), իսկ չորրորդ տուրում ոչ ոքի են խաղացել Հյուսիսային Մակեդոնիայի հետ (0:0):

Իսկ սեպտեմբերի 8–ին Երևանում կկայանա Հայաստան–Լիխտեյնշտեյն հանդիպումը։