ԵՐԵՎԱՆ, 2 սեպտեմբերի – Sputnik. Կառավարության այսօրվա նիստը վարող ՀՀ փոխվարչապետ Սուրեն Պապիկյանը նիստը սկսեց շնորհավորանքներով։
«Այսօր` սեպտեմբերի 2-ը մեզ համար շատ կարևոր ու հիշարժան օր է, ինչի կապակցությամբ շնորհավորում եմ բոլորիս Արցախի Հանրապետության օրվա առիթով, արցախահայությանը մաղթելով տոկունություն և կամք` առկա մարտահրավերներին դիմագրավելու համար,– ասաց նա,– օրը նաև կարևոր է նրանով, որ մենք հոբելյար ունենք։ Այսօր վարչապետի աշխատակազմի ղեկավար Արայիկ Հարությունյանի ծննդյան օրն է»։
Պապիկյանը շնորհավորեց Հարույունյանին` մաղթելով քաջ առողջություն։
Կառավարության այսօրվա նիստն անցկացնում է ՀՀ փոխվարչապետ Սուրեն Պապիկյանը, քանի որ վարչապետ Նիկոլ Փաշինյանը կարճատև արձակուրդում է։