Պերուում ավտոբուսը կիրճն է ընկել, զոհերի թիվը հասել է 33-ի, տեղեկացնում է Andina գործակալությունը՝ հղում անելով երկրի ճանապարհային ազգային ոստիկանության պետ Էլիաս Լոսադուին։
Երթուղային ավտոբուսը Պերուի մայրաքաղաք Լիմա էր մեկնում Ուանուկո քաղաքից։ Այն ընկել է մոտ 200 մ խորություն ունեցող անդունդը, մի քանի անգամ գլորվել ու կանգ է առել Ռիմակ գետի մոտ։
Դժբախտ պատահարի պատճառներն առայժմ հայտնի չեն, հնարավոր է՝ վարորդը քնել է կամ կորցրել է ավտոբուսի կառավարումը մեծ արագության ժամանակ։
Առայժմ հայտնի է 11 զոհվածների ինքնությունը։