ԵՐԵՎԱՆ, 1 սեպտեմբերի – Sputnik. Ադրբեջանն ու Թուրքիան առաջիկա օրերին ռազմաօդային ուժերի համատեղ զորավարժություններ կանցկացնեն։ Տեղեկությունը հայտնում է Sputnik Ադրբեջանը, հղում անելով Ադրբեջանի պաշտպանության նախարարությանը։
Նշվում է, որ զորավարժությունների նպատակն է ամրապնդել փոխգործակցությունը թուրքական և ադրբեջանական բանակների օդային ստորաբաժանումների միջև։
Ադրբեջանական կողմից վարժանքներին կմասնակցեն ՄիԳ-29 երկու կործանիչներ և Սու-25 երկու գրոհիչներ, որոնք այսօր ուղևորվել են Թուրքիա։
Վարժանքները կշարունակվեն 11 օր և կավարտվեն սեպտեմբերի 17-ին։
Նշենք, որ այս տարվա սկզբից Անկարան ու Բաքուն մի քանի զորավարժություններ են անցկացրել տարբեր զորատեսակների ներգրավմամբ:
Մարզումներից մի քանիսն անցկացվել են Հայաստանի սահմանի մոտ։