Թուրքիայի արևմուտքում երկրաշարժ է գրանցվել

ԵՐԵՎԱՆ, 31 օգոստոսի – Sputnik. Թուրքիայի արևմտյան Քյութահիա նահանգում այսօր երկրաշարժ է գրանցվել։

Թուրքական «Անադոլու» գործակալության տվյալներով` երկրաշարժի հզորությունը կազմել է 5 մագնիտուդ։

Երկրակեղևի շարժումը գրանցվել է տեղական ժամանակով 14։04–ն։ Երկրաշարժի օջախը գտնվել է  երկրի մակերևույթից 7,16 կմ խորությամբ։

Ավերածությունների ու զոհերի մասին տեղեկություններ առայժմ չեն հայտնում։

Հիշեցնենք, որ օգոստոսի 1-ին 5.5 մագնիտուդ ուժգնությամբ երկրաշարժ էր գրանցվել Թուրքիայի հարավարևմտյան մասում` Մուղլա նահանգում։