ԵՐԵՎԱՆ, 31 օգոստոսի - Sputnik. Ռուս երգչուհի Սվետլանա Լոբոդան և փոփ-բեմի արքա Ֆիլիպ Կիրկորովը հաշտվել են աղմկահարույց սկանդալից ամիսներ անց։ Այս մասին հայտնում է Starhit-ը։
«Աստղերը» հարթել են տարաձայնությունները Սոչիի «Նոր ալիք» երաժշտական մրցույթում ժամանակ՝ համերգասրահի հանդերձարանում երկարատև առանձնազրույցի արդյունքում։
Ավելի ուշ նրանք միասին մեկնել են բլոգեր Ելենա Բլինովսկայի տարեդարձին։
Երաժիշտների միջև սկանդալ էր ծագել «Муз-ТВ» հեռուստաալիքի մրցանակաբաշխությունից հետո, երբ Լոբոդայի այդ ժամանակվա պրոդյուսեր Նաթելա Կրապիվինան քննադատել էր Կիրկորովի ու Դավայի ելույթը: Նա համարն անվանել էր «պանոպտիկում» ու հավելել, որ «նախկինում Կովկասում նմաններին կտրատում էին խորոված անելու համար»։
Ի պատասխան Կիրկորովը տեսագրություն էր տարածել, որում Լոբոդային ու նրա թիմին մեղադրել էր գրագողության մեջ` նշելով, որ երգչուհու համարը գողացված էր Բեյոնսեի տեսահոլովակից: