ԵՐԵՎԱՆ, 31 օգոստոսի - Sputnik. ՀՀ փոխվարչապետ Սուրեն Պապիկյանի գրասենյակն ամփոփել է «Դպրոցների սեյսմիկ անվտանգության բարելավման» ծրագրով իրականացվող դպրոցաշինական աշխատանքները։
Տարածված հաղորդագրության համաձայն՝ այս պահին հայաստանյան 14 դպրոցներ հիմնովին կառուցման փուլում են, 3 դպրոցների կառուցման համար հայտարարված մրցույթներն ամփոփվում են, 5-ը նախագծման աշխատանքների փուլում են։
Եվս երկու նոր դպրոցների շինարարությունն էլ 2021թ–ին մեկնարկել է, բայց դեռ չի ավարտվել։
Եվս երկու նոր դպրոցների շինարարությունն էլ 2021թ–ին մեկնարկել է, բայց դեռ չի ավարտվել։
Նշվում է, որ ծրագրով նախատեսվում է Հայաստանում կառուցել 46 դպրոց` 14-ը Երևանում, 32-ը` մարզերում։ Դրանցից 7-ն արդեն կառուցվել են ու շահագործման հանձնվել, որոնցից 1-ը Երևանի թիվ 51 դպրոցն է, որի շինարարության ավարտը նախատեսվում է այս տարի տարի։
Նորակառույց դպրոցները լինելու են ներառական կրթության համար հարմարեցված, ունենալու են վերելակ, կահավորված դասասենյակներ, մարզադահլիճ, միջոցառումների դահլիճ, հագեցած լաբորատորիաներ։
Բայց դրանց կարևորագույն առավելությունը լինելու է սեյսմակայունությունն ու ապահովությունը, քանի որ դրանցում սովորելու են շուրջ 20 հազար դպրոցականներ։
«Դպրոցների սեյսմիկ անվտանգության բարելավման» ծրագիրն իրականացվում է ՀՀ կառավարության և Ասիական զարգացման բանկի միջոցներով։ Ծրագրի իրականացման համար ՀՀ կառավարության և Ասիական զարգացման բանկի ներդրումը կազմում է 107 միլիոն ԱՄՆ դոլար։