Երևան, 30 օգոստոսի-Sputnik. Ուկրաինական շարժիչով առաջին թուրքական ԱԹՍ-ն արտադրողների կողմից հանձնվել է Թուրքիայի անվտանգության ուժերին։ Արարողությունը, որին ներկա է եղել երկրի նախագահ Ռեջեփ Թայիփ Էրդողանը, տեղի է ունեցել Ստամբուլից ոչ հեռու՝ Baykar Makina գիտահետազոտական կենտրոնում։ Անօդաչուն ստացել է Akıncı անվանումը, հայտնում է ukrinform-ը։
Էրդողանը նշել է, որ ռազմարդյունաբերական համալիրի նախագծերի շնորհիվ երկիրը կարճ ժամանակահատվածում ազգայնացրել Է պաշտպանական արտադրությունը՝ 20 տոկոսից հասցնելով 80 տոկոսի։
«Մեր հաջորդ նպատակը հարվածային անօդաչու թռչող սարքերի մշակումն է, որոնք կկարողանան թռիչք և վայրէջք կատարել մեր ավիակրի վրա», - ասել է Թուրքիայի ղեկավարը ՝ հիշեցնելով, որ Baykar Makina–ի արտադրանքը, մասնավորապես Bayraktar TB2 անօդաչու թռչող սարքը, հաջողությամբ մատակարարվում է Ուկրաինա:
Baykar Makina-ի տեխնիկական տնօրեն և Akıncı նախագծի ղեկավար Սելչուկ Բայրաքթարը հիշեցրել է, որ մշակման ընթացքում արտադրվել են երեք նախատիպեր: Առաջին հաջող թռիչքն իրականացվել է 2019 թվականի դեկտեմբերի 6-ին։
Նրա խոսքով ՝ Bayraktar Akıncı -ը գերազանցել է Թուրքիայի ավիացիայի պատմության մեջ բարձրության ռեկորդը ՝ հավաքելով առավելագույն բարձրություն, որը հասել է ազգային մշակված ինքնաթիռին։