Արոնյանն աշխարհի չեմպիոնի հետ կիսում է 2-րդ տեղը Aimchess US Rapid շախմատային մրցաշարում

Մրցաշարն անցկացվում է 2 փուլով։ Առաջին փուլում 16 շախմատիստներ մրցում են շրջանաձև խաղակարգով, որից հետո 8 լավագույնները կորոշեն հաղթողին «նոկաուտ» համակարգով։
Sputnik
ԵՐԵՎԱՆ, 30 օգոստոսի – Sputnik. Հայկական շախմատի առաջատար Լևոն Արոնյանը աշխարհի չեմպիոն Մագնուս Կառլսենի հետ միասին Grand Chess Tour սերիյի Aimchess US Rapid առցանց շախմատային մրցաշարի երկրորդ հորիզոնականում է։
Ռոբերտ Հովհաննիսյանը միանձնյա գլխավորում է շախմատի անհատական առաջնության մրցաշարը
Հայ շախմատիստն ու Կառլսենը 10 հնարավորից հավաքել են 7 միավոր։ Նրանք կես միավորով ետ են մնում առաջատարից՝ ռուս գրոսմայստեր Վլադիսլավ Արտեմևից։
Մրցաշարն անցկացվում է 2 փուլով։ Առաջին փուլում 16 շախմատիստներ մրցում են շրջանաձև խաղակարգով, որից հետո 8 լավագույնները կորոշեն հաղթողին «նոկաուտ» համակարգով։
Մրցաշարին, բացի Արոնյանից, մասնակցում են Մագնուս Կառլսենը (Նորվեգիա), Մաքսիմ Վաշյե-Լագրավը (Ֆրանսիա), Լենյեր Դոմինգեսը (ԱՄՆ), Յան-Քշիշտոֆ Դուդան (Լեհաստան), Ուեսլի Սոն (ԱՄՆ), Վլադիսլավ Արտեմևը (Ռուսաստան), Շահրիյար Մամեդյարովը (Ադրբեջան), Լե Կուանգ Լյոմը (Վիետնամ), Անիշ Գիրին (Նիդերլանդներ), Ալիրեզա Ֆիրուզջան (Ֆրանսիա), Դանիել Նարոդիցկին (ԱՄՆ), Սանթոշ Վիդիտը (Հնդկաստան), Էրիկ Հանսեն (Կանադա), Յորդեն վան Ֆորեսթը (Նիդերլանդներ), Էվոնդեր Լյան (ԱՄՆ)։
Aimchess US Rapid-ի մրցանակային ֆոնդը կազմում է 100 հազար դոլար։
Հայ շախմատիստը դարձել է միջազգային հուշամրցաշարի հաղթող