ԵՐԵՎԱՆ, 28 օգոստոսի – Sputnik. Ադրբեջանի ՊՆ–ն հերքել է Արցախի Շուշի քաղաքի մերձակայքում հայ զինվորականների կողմից ադրբեջանցի զինծառայողի մահվան լուրերը։
Պաշտպանական գերատեսչության տեղեկությունից դատելով` նման ապատեղեկատվություն էին տարածել ադրբեջանական ԶԼՄ–ները։
Մինչդեռ, ինչպես հայտարարել է Ադրբեջանի ՊՆ–ն, զինծառայող Չինգիզ Հազիևը, նախնական տվյալներով, ինքնասպան է եղել ընտանեկան խնդիրների պատճառով։ Միջադեպի մանրամասները չեն հայտնում էթիկական նկատառումներից ելնելով։
«ՊՆ–ն կոչ է անում ԶԼՄ–ներին չխեղաթյուրել տեղեկատվությունն ու հանրությանը մոլորության մեջ չգցել», – ասվում է Ադրբեջանի զինվորական գերատեսչության հաղորդագրության մեջ։
Քրեական գործ է հարուցվել, քննություն է ընթանում։