ԵՐԵՎԱՆ, 26 օգոստոսի - Sputnik. Երեկ՝ օգոստոսի 25-ին, խոշոր ավտովթար է տեղի ունեցել Երևանում։ Կա տուժած։ Տեղեկությունը հայտնում է shamshyan.com–ը։
«Ժամը 16։50-ի սահմաններում Սեբաստիա փողոցի 26 հասցեի դիմաց բախվել են Երևանի բնակիչ՝ 58-ամյա Գեղամ Սարիբեկյանի վարած Nissan և Շիրակի մարզի բնակիչ՝ 65-ամյա Հրաչիկ Մարգարյանի վարած Jinbei մակնիշի շտապօգնության ավտոմեքենաները»,–գրում է կայքը։
Վթարի հետևանքով Հ. Մարգարյանի ուղևոր՝ Շիրակի մարզի բնակիչ, 39-ամյա Իրինա Սմբատյանը մարմնական վնասվածքներով տեղափոխվել է «Աստղիկ» բժշկական կենտրոն։
Փաստի առթիվ նյութեր են նախապատրաստվում։
Կայքի տեղեկություններով՝ Jinbei-ը հաշվառված է «Մարալիկ» առողջապահական կենտրոնի հաշվեկշռում, վիրավորն էլ նշված կենտրոնի բուժքույրն է:
Նրանք գնում էին հիվանդին բժշկական կենտրոն տեղափոխելու։