ԵՐԵՎԱՆ, 26 օգոստոսի - Sputnik. Դերասանուհի Սոֆյա Պողոսյանը Instagram-ի իր էջում նոր լուսանկար է հրապարակել նորածին որդու հետ։
Նշենք, որ Սոֆյա Պողոսյանն և դերասան Աշոտ Տեր-Մաթևոսյանը ծնողներ են դարձել մեկ շաբաթ առաջ։
«1 շաբաթ առաջ մեր կյանքն իմաստավորվեց»,–լուսանկարին կից գրել է Սոֆյան։
Նրա էջի հետևորդները բազմաթիվ դրական մեկնաբանություններ են գրել։
«Հրաշ եք», «Առողջ ու խաղաղ մանկություն », «Աստված պահի ձեր հրաշքին»,–գրել են նրանք։
Նշենք, որ ընտանիքում համալրման մասին հայտնել էր Սոֆյայի քույրը՝ Մայա Պողոսյանը։ Փոքրիկը Պողոսյանի ու նրա ամուսնու՝ դերասան Աշոտ Տեր-Մաթևոսյանի առաջնեկն է։
Աշոտ Տեր-Մաթևոսյանը և Սոֆյա Պողոսյանը հայկական շոու բիզնեսի ամենագեղեցիկ և ամենաքննարկվող զույգերից են։ Դերասանները նաև շատ ներդաշնակ են։ Ռեժիսորները դա նկատել են դեռևս այն ժամանակ, երբ նրանք նոր էին սկսել հանդիպել։
Ի դեպ, 2010-2016թթ–ին Սոֆյան ամուսնացած էր, Աշոտը` նույնպես. նա առաջին ամուսնությունից մեկ դուստր ունի։
Նրանք իրենց հարաբերությունները պաշտոնապես գրանցել են 2019թ–ին։