ԵՐԵՎԱՆ, 25 օգոստոսի – Sputnik. Խոշոր ավտովթար է տեղի ունեցել Սյունիքի մարզում, որի հետևանքով կա 7 վիրավոր։ Տեղեկությունը հայտնում է shamshyan.com-ը։
Դեպքը տեղի է ունեցել այսօր`ժամը 17:00-ի սահմաններում։ Կապանի բնակիչ, 59-ամյա Սամվել Ղազարյանը իր վարած «Բոգդան» մակնիշի ավտոբուսով Կապան քաղաքի Ռ. Մինասյան փողոցում անվահեծանի կոտրվելու պատճառով կորցել է ավտոմեքենայի կառավարումը, դուրս եկել հանդիպակաց երթևեկելի գոտուց ձախ և բախվել շինության պատին:
Վթարի հետևանքով վարորդ Ս. Ղազարյանը, ուղևորներ` 15-ամյա Ռաֆայել Ս.-ն, 42-ամյա Տիգրան Գալստյանը, 29-ամյա Անի Տոնոյանը, 45-ամյա Մհեր Ստեփանյանը, 38-ամյա Եվա Հարությունյանը և 41-ամյա Նորա Տերտերյանը մարմնական վնասվածքներով տեղափոխվել են «Կապան» բժշկական կենտրոն: