ԵՐԵՎԱՆ, 25 օգոստոսի – Sputnik. Հայկական շոու բիզնեսի ամենահայտնի զույգերից մեկը` դերասան Դավիթ Աղաջանյանն ու երգչուհի Աննա Դովլաթյանն այսօր տոնում են իրենց ամուսնության 3–ամյակը։
Նշենք, որ նրանք այս օրերին իրենց հանգիստն են վայելում Մալդիվյան կղզիներում։
Աննան Instagram-ի իր էջում ռոմանտիկ լուսանկարներ է հրապարակել, որոնցից մեկում համբուրում է ամուսնուն։
«3 տարի երջանիկ»,–լուսանկարներին կից գրել է Աննան ու շնորհավորել ամուսնուն։
View this post on Instagram
Նրա էջի հետևորդները բազմաթիվ մեկնաբանություններ են գրել ու երջանկություն մաղթել նրանց։
«Սիրուն ընտանիք, շնորհավոր», «երջանիկ եղիր, գեղեցկուհի»,«երկար տարիներ միասին լինեք»,–գրել են նրանք։
Դավիթն ու Աննան 6 տարի ընկերություն անելուց հետո ամուսնացել են 2018 թվականի օգոստոսի 25-ին։ Նրանք պսակադրվել են Մուղնու սուրբ Գևորգ եկեղեցում։ Նրանց դուստրը՝ Կարինան, արդեն 1 տարեկան է։