ԵՐԵՎԱՆ, 22 օգոստոսի - Sputnik. «Կալաշնիկովն» առաջին անգամ «Բանակ 2021» ցուցահանդեսում ներկայացրել է նոր ՝ С-8Л հրթիռը, որը կարող է կիրառվել անօդաչու թռչող սարքից: ՌԻԱ Նովոստիի փոխանցմամբ՝ տեղեկությունը հայտնել է ընկերության գլխավոր տնօրենի առաջին տեղակալ Անդրեյ Սեմյոնովը ցուցահանդեսի ընթացքում։
Նշվում է, որ «Կալաշնիկովի» փորձարարական կենտրոնում ներկայացվել է «Ստրելա» գիտաարտադրական ձեռնարկության ուղղաթիռային ԱԹՍ ՝ երեք С-8Л հրթիռներով:
«Այսօր ընկերությունների մեր խումբը աշխատանքներ է կատարում «Ստրելա» գիտաարտադրական ձեռնարկության հետ համատեղ՝ С-8Л նոր ճշգրտվող հրթիռի՝ ուղղաթիռային տիպի անօդաչու թռչող սարքի հետ հարմարվելու հնարավորության շուրջ», - նշել է Սեմյոնովը:
Այդ հրթիռի կիրառումը թույլ է տալիս ոչնչացնել ինչպես առանձին, այնպես էլ խմբակային շարժվող և անշարժ թիրախներ: Հրթիռն ունի լազերային կիսաակտիվ ինքնանշանառման հնարավորություն, բեկորային-ֆուգասային մարտական մաս, կիրառման հեռավորությունը մինչև 6 կիլոմետր է:
Այն նաև նախատեսված է ուղղաթիռներից և ինքնաթիռներից կիրառելու համար, որոնք նախկինում օգտագործել են C-8 հրթիռի չկառավարվող տարբերակը:
Հիշեցնենք, որ Հայաստանի պատվիրակությունը ՝ պաշտպանության նախարար Արշակ Կարապետյանի գլխավորությամբ, այսօր մեկնել է Ռուսաստանի Դաշնություն ՝ մասնակցելու «Բանակ 2021» ցուցահանդեսի և «Բանակային միջազգային խաղերի» բացման արարողություններին: