ԵՐԵՎԱՆ, 22 օգոստոսի – Sputnik. Դիլիջանում կայացավ «Խաղաղության մարտիկ» մրցախաղի բացման հանդիսավոր արարողությունը։ Միջոցառմանը տեղում հետևում է Sputnik Արմենիայի թիմը։ Մեզ հետ զրույցում ՀՀ ՊՆ գլխավոր շտաբի պետ Արտակ Դավթյանը նշեց, որ, իհարկե, իր ակնկալիքն է, որ մրցույթում հաղթի հայկական թիմը։ Բայց դա կորոշվի մրցույթի ընդհանուր արդյունքներով՝ դատավարական թիմի գնահատականների հիման վրա։
Открытие международного военного конкурса "Воин мира" (22 августа 2021). Дилижан
© Sputnik / Hovhannes Shoghikyan
«Ընդհանուր առմամբ, սա համագործակցություն է Զինված ուժերի միջև, ընկերություն, փորձի փոխանակում, որը շատ կարևոր է մեզ համար»,- խոսելով մրցույթի մասին՝ ընդգծեց Դավթյանը։
«Խաղաղության մարտիկ» փուլը «Բանակային միջազգային խաղերի» շրջանակում անցկացվում է արդեն 6 տարի շարունակ։ Մրցույթին մասնակցելու հայտ են ներկայացրել վեց երկիր՝ Հայաստանը, Ռուսաստանը, Բելառուսը, Ղազախստանը, Հունաստանը և Կատարը: Միջոցառումը անցկացվում է զորամասերից մեկում և Մոնթե Մելքոնյանի անվան ռազմական ուսումնարանի բազայում:
Открытие международного военного конкурса "Воин мира" (22 августа 2021). Дилижан
© Sputnik / Hovhannes Shoghikyan
Մրցախաղի բացման հանդիսավոր արարողությունն այսօր էր, փակման արարողությունը կկայանա սեպտեմբերի 1-ին: Մրցումներն անցկացվելու են Երևանում, Դիլիջանում և Իջևանում:
Մասնակից պետությունների թիմերն ուժերը չափելու են ռազմամարզական «Աթլետ», ռազմամասնագիտական «Պրոֆեսիոնալ», կրակային պատրաստության «Դիպուկահար», գրական-գեղարվեստական և պարային-երաժշտական «Տեր և տիկին», ռազմական պատմության գիտելիքների ստուգման «Էրուդիտ» մրցաձևերում:
Открытие международного военного конкурса "Воин мира" (22 августа 2021). Дилижан
© Sputnik / Hovhannes Shoghikyan
Ռազմամարզական մրցույթի ծրագիրը հագեցած է լինելու նաև մշակութային ծրագրերով, այցելություններով պատմամշակութային և տեսարժան վայրեր: