ԵՐԵՎԱՆ, 22 օգոստոսի - Sputnik. Գիտնականները պարզել են, որ մարդու ուղեղը լսած մեղեդու հիման վրա փորձում է, այսպես ասած, «կանխատեսել ապագան»։ Հետաքրքիր հետազոտության արդյունքները հրապարակվել են Psychological Science ամսագրում:
Նշվում է, որ գիտափորձին մասնակցել է ընդհանուր առմամբ 70 կամավոր։ Նրանց բաժանել են երկու խմբի։ Առաջինը խումբը լսել է Բախի ստեղծագործությունն ամբողջությամբ ՝ հնարավորություն ունենալով ձայնագրել այն կամ դադարի կոճակը սեղմել։ Փորձի մասնակիցները լավ են մտապահել լսածը եւ ավելի շատ կենտրոնացած են եղել դրա վրա:
Երկրորդ խմբի համար միացվել է ոչ թե ամբողջական մեղեդին, այլ երաժշտական առանձին դրվագներ, որպեսզի գնահատվի ստեղծագործության ամբողջականությունը և ավարտվածությունը։ Արդյունքում, այն դեպքում, երբ երաժշտությունը ընդհատվում էր բարձր նոտաներով, կամավորներն այն ընկալում էին ավելի ամբողջական և որպես ավարտուն ստեղծագործություն։
Այդպես, հետազոտողների կարծիքով, ուղեղը փորձում է կանխատեսել ապագան։ Գիտնականների կարծիքով՝ ուղեղը այդ նույն հատկությունը դրսևորում է, երբ «մտածում է մարդու արտաբերած բառերի մասին»։