ԵՐԵՎԱՆ, 21 օգոստոսի - Sputnik. ՀԱՊԿ երկրների ղեկավարները օգոստոսի 23-ին տեսակոնֆերանս կանցկացնեն: Ռուսաստանի նախագահ Վլադիմիր Պուտինն այդ մասին ասել է Ղազախստանի նախագահ Կասիմ-Ժոմարտ Տոկաևի հետ հանդիպման ժամանակ։
Նա նշել է, որ այս պահին ամենահրատապ խնդիրը անվտանգությունն է՝ հաշվի առնելով Աֆղանստանում տեղի ունեցող իրադարձությունները:
«Հուսով եմ` երկուշաբթի մենք ՀԱՊԿ շրջանակում կհավաքվենք տեսակոնֆերանսի ռեժիմով և կխոսենք մեր օրակարգերից», - ասել է նա։
ՀԱՊԿ-ի կազմում են Ռուսաստանը, Հայաստանը, Բելառուսը, Ղազախստանը, Ղրղզստանը և Տաջիկստանը: Կազմակերպության հաջորդ գագաթնաժողովը կանցկացվի այս տարի Տաջիկստանում: