ԵՐԵՎԱՆ, 19 օգոստոսի - Sputnik. «Ռեյնջերսի» գլխավոր մարզիչ Սթիվեն Ջերարդը Եվրոպայի լիգայի փլեյ-օֆֆ փուլի՝ Երևանի «Ալաշկերտի» հետ կայանալիք տնային խաղից առաջ նշել է, որ ի դեմս հայկական թիմի՝ իրենք ուժեղ մրցակից ունեն։
«Պետք է մտածենք առաջիկա խաղի մասին, որում մրցելու ենք իսկապես ուժեղ թիմի դեմ։ Պետք է մտածենք այս խաղում դրական արդյունքի հասնելու համար։
Մենք ևս ուժեղ թիմ ունենք, ու ամեն ինչ կանենք, որ մեր առջև դրված խնդիրները լուծենք երկու խաղերում էլ»,- ասել է Ջերարդը նախախաղային մամուլի ասուլիսի ժամանակ։
Հիշեցնենք, որ օգոստոսի 12-ի երեկոյան «Ալաշկերտը» լրացուցիչ ժամանակում հաղթեց Ալմաթիի «Կայրաթին»՝ իրավունք ստանալով օգոստոսի 19-ին Եվրոպայի լիգայում մրցել շոտլանդական «Գլազգո Ռեյնջերսի» հետ:
«Ռեյնջերս»- «Ալաշկերտ» խաղը կցուցադրվի Առաջին ալիքի եթերում։