ԵՐԵՎԱՆ, 18 օգոստոսի – Sputnik. ՀՀ կառավարությունը «Հարավկովկասյան երկաթուղիներ» ՓԲԸ-ի հետ ձեռք է բերել պայմանավորվածություն, որ մինչև 2024 թվականը երկաթուղու ոլորտում 39 մլրդ դրամի ներդրումներ անեն։ Կառավարության այսօրվա նիստի ժամանակ հայտնեց վարչապետ Նիկոլ Փաշինյանը՝ ներկայացնելով կառավարության առաջիկա 5 տարիների ծրագիրը։
«Շատ կարևոր համաձայնություն ենք ձեռք բերել ռուսական «Հարավկովկասյան երկաթուղիներ» ՓԲԸ-ի հետ, ուզում եմ ներդրումների ծավալը պատկերացնենք։ Կարող ենք ակնկալել, որ մինչև 2024 թվականը կունենանք բոլորովին այլ որակի երկաթուղիներ»,–ասաց Փաշինյանը։
Նրա խոսքով` բավականին երկար և մանրամասն քննարկում են ունեցել «Հարավկովկասյան երկաթուղիներ» ընկերության հետ։