ԵՐԵՎԱՆ, 17 օգոստոսի – Sputnik. Օգոստոսի 16-ից 17-ը հայտնաբերվել և այրման միջոցով ոչնչացվել է 1283 կգ վայրաճ կանեփի զանգված: Տեղեկությունը հայտնում է ոստիկանությունը` հավելելով, որ օգոստոսի 10-ից մեկնարկել է «Կանեփ-կակաչ-2021» համալիր օպերատիվ-կանխարգելիչ միջոցառումը։
«Տնամերձ 11 հողամասից հայտնաբերվել է կանեփի 332 բույս: Ապօրինի թմրաշրջանառությունից առգրավվել է մի քանի գրամ մարիխուանա»,–ասված է հաղորդագրության մեջ։
Իրականացված բացատրական աշխատանքի շնորհիվ արձանագրվել են նաև ապօրինի զինամթերքի կամավոր հանձնման դեպքեր։ Հայտնաբերվել է 9 հետախուզվող: Օպերատիվ-կանխարգելիչ միջոցառումը շարունակվում է: