ԵՐԵՎԱՆ, 15 օգոստոսի – Sputnik. Հինգ հատկանիշ կա, որոնք առաջին հայացքից կօգնեն որոշել` մեղրը բնական է, թե ոչ։ Դրանք ներկայացրել է «Դոկտոր Պիտեր» կայքը` հղում անելով «Ռուսական որակի համակարգ» ՀԿ–ի փորձագետներին։
«Դժվար է հասկանալ` մեղրը բնական է, թե ոչ։ Դրա համար լաբորատոր ուսումնասիրություններ են պետք,– ասում է «Ռուսական որակի համակարգ» ՀԿ–ի ղեկավարի տեղակալ Ելենա Սարատցևան։ – Կարելի է բացահայտել միայն կոպիտ կեղծիքը, օրինակ` եթե մեղրի մեջ օսլա են խառնել անհրաժեշտ խտություն ստանալու համար։ Դա ստուգելու համար մի փոքր մեղր վերցրեք և վրան մի կաթիլ յոդ կաթեցրեք։ Եթե մեղրը կապույտ գույն ստանա, նշանակում է` օսլա են ավելացրել»։
Մասնագետների խոսքով` մեղրավաճառների ամենատարածված խարդախությունը թանկ ու էժան տեսակներն իրար խառնելն է։
Բացի այդ, վաճառողները մեղրը հալեցնում են բարձր ջերմաստիճանի տակ նախորդ տարվա բերքը որպես նոր ներկայացնելու համար, ինչը ոչ միայն սպանում է ցանկացած օգտակար հատկություն, այլև թույն է դարձնում, քանի որ օքսիմեթիլֆուրֆուրոլ կանցերոգեն է առաջանում։
Խարդախները քաղցրություն ապահովելու համար նաև ճակնդեղի կամ կարտոֆիլի կեղևից պատրաստած գլյուկոզա–ֆրուկտոզային օշարակ են ավելացնում։
Խտության համար մեղրի մեջ օսլա ավելացնելուց բացի, ոմանք նաև ջուր են ավելացնում այն նոսրացնելու համար։