Թուրքիայում և Իրանում գրանցված երկրաշարժերի գոտիները տարբեր են, իսկ ՀՀ Շիրակի մարզի Բավրա և Ղազանչի գյուղերում գրանցված երկրաշարժը կապ ունի Ջավախքի խզվածքային գոտու հետ, սակայն նշված գոտիները փոխկապակցված չեն, և ներկա պահին մեզ մոտ երկրաշարժերի հետ կապված մեծ անոմալիաներ չեն նկատվում: Անդրադառնալով վերջին օրերին գրանցված երկրաշարժերին` Sputnik Արմենիայի հետ զրուցի ընթացքում ասաց «Սեյսմիկ պաշտպանության տարածքային ծառայություն» ՊՈԱԿ–ի տնօրենի ԺՊ Սոս Մարգարյանը։
«Ինչ վերաբերում է հետցնցումներին, ապա պետք է նշել, որ գնում է օջախի լարվածության և կուտակված էներգիայի լիցքաթափում, հետևաբար Բավրայի երկրաշարժն էլ պետք է դիտարկել որպես հետցնցում։ Միայն դա չէ, ունենք մոտ 130 հետցնցում, որոնց գերակշիռ մասը շատ թույլ մագնիտուդով են»,– հայտնեց Մարգարյանը։
Նա համեմատության կարգով վկայակոչեց Սպիտակի ու Երևանի երկրաշարժերը, որոնք մեծ մագնիտուտդով էին, հետևաբար ակնկալվում էր, որ կլինեն հետցնցումներ։ Հետցնցումները նույնպես լինում են տարբեր հաճախականությամբ, տարբեր ուժգնությամբ` 2,5–ից մինչև 4,5 մագնիտուդով։ Յուրաքանչյուր օջախ ունի իր բնութագիրը և, օրինակ, Ջավախքի խզվածքը համեմատաբար ակտիվ է` ի տարբերություն Փամբակ–Սևան–Սյունիք խզվածքի։
Մարգարյանի տեղեկացմամբ` ցնցումային ակտիվությունը սովորաբար պայմանավորված է տվյալ օջախում կուտակված էներգիայի լիցքաթափմամբ, ընդ որում` շատ հնարավոր է, որ չլինի հետցնցումային ակտիվություն։
Մարգարյանի տեղեկացմամբ` ցնցումային ակտիվությունը սովորաբար պայմանավորված է տվյալ օջախում կուտակված էներգիայի լիցքաթափմամբ, ընդ որում` շատ հնարավոր է, որ չլինի հետցնցումային ակտիվություն։
Դա կախված է երկրաբանական, տեկտոնական և կառուցվածքային այլ գործոններից, որոնք յուրահատուկ են յուրաքանչյուր դեպքի համար։ Ըստ Մարգարյանի` հետցնցումները հնարավորություն են տալիս որոշակի պատկերացում կազմել հետագա զարգացումների և ընդհանուր պատկերի մասին։
Նշենք, որ այսօր տեղական ժամանակով ժամը 09:43-ին (Գրինվիչի ժամանակով ժամը 05:43-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից Վրաստան-Հայաստան սահմանային գոտում` Բավրա գյուղից 13 կմ հյուսիս-արևելք, գրանցվել է 3.1 մագնիտուդով երկրաշարժ` օջախի 10 կմ խորությամբ: Էպիկենտրոնային գոտում ստորգետնյա ցնցման ուժգնությունը կազմել է 4 բալ:
Նշենք, որ այսօր տեղական ժամանակով ժամը 09:43-ին (Գրինվիչի ժամանակով ժամը 05:43-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից Վրաստան-Հայաստան սահմանային գոտում` Բավրա գյուղից 13 կմ հյուսիս-արևելք, գրանցվել է 3.1 մագնիտուդով երկրաշարժ` օջախի 10 կմ խորությամբ: Էպիկենտրոնային գոտում ստորգետնյա ցնցման ուժգնությունը կազմել է 4 բալ:
Հիշեցնենք, որ գրեթե նույն վայրում երկու երկրաշարժ ու 70 հետցնցում էր գրանցվել օգոստոսի 16-ին։