ԵՐԵՎԱՆ, 16 օգոստոսի – Sputnik. «Կախվածությունների ազգային կենտրոնում» բուժման մեջ գտնվող քաղաքացին կենտրոնի 3-րդ հարկից իրեն նետել է։ Տեղեկությունը Sputnik Արմենիայի հետ զրույցում հայտնեցին ՀՀ ոստիկանության մամուլի ծառայությունից։
«Օգոստոսի 15-ին, ժամը 18։40-ին «Կախվածությունների ազգային կենտրոն» ՓԲԸ-ից ոստիկանության բաժին ահազանգ է ստացվել, որ իրենց մոտ ստացիոնար բուժման մեջ գտնվող քաղաքացին կենտրոնի 3-րդ հարկից իրեն նետել է»,–հայտնեցին ոստիկանությունից։
Քաղաքացուն «պոլիտրավա» ախտորոշմամբ տեղափոխել են «Միքայելյան» բժշկական կենտրոն։
«Նա ի վիճակի չի եղել կատարված մասին բացատրություն տալու, բայց ոստիկանները պարզել են, որ տղամարդն իրեն նետել է ինքնասպանություն գործելու նպատակով»,–ասացին ոստիկանությունից։
Shamshyan.com–ի տեղեկություններով` պատուհանից իրեն նետած և «Միքայելյան» բժշկական կենտրոն տեղափոխված տղամարդը ՌԴ քաղաքացի 37-ամյա Եվգենի Գ․-ն է։