ԵՐԵՎԱՆ, 14 օգոստոսի – Sputnik. Երևանում ինքնասպանության հերթական դեպքն է գրանցվել։ Տեղեկությունը հայտնում է shamshayn.com–ը։
Երեկ` ժամը 19։30-ի սահմանում, ՀՀ արտակարգ իրավիճակների նախարարության փրկարար ծառայության 9-11 և ՀՀ ոստիկանության Երևան քաղաքի վարչության օպերատիվ կառավարման կենտրոններն անհայտ քաղաքացուց ահազանգ են ստացվել, որ մի տղամարդ նետվել է Դավթաշենի կամրջից։
Նշված վայր են մեկնել ոստիկանները, քննիչներն ու փրկարարները։
Վերջիններս մեծ դժվարությամբ են դին դուրս բերել անվտանգ վայր և մոտեցրել շտապօգնության ավտոմեքենային։
Իրավապահները պարզել են, որը մահացածը Շիրակի մարզի բնակիչ, 35-ամյա Վաղինակ Մ.-ն է։
Փաստի առթիվ նյութեր են նախապատրաստվում, նշանակվել է դիակի դատաբժշկական փորձաքննություն։