ԵՐԵՎԱՆ, 14 օգոստոսի - Sputnik. Ապրիլի 10-ից հունիսի 5-ն ընկած ժամանակահատվածում Շուշիի Կերպարվեստի թանգարանի Քանդակների պուրակից վերացվել են բոլոր 51 քանդակները։ Այդ մասին են վկայում Կովկասյան ժառանգության պաշտպանության (Caucasus Heritage Watch) միջազգային կազմակերպության հրապարակած արբանյակային լուսանկարները։
Կազմակերպությունը փաստում է, որ նշված երկու ամսում տարածքն ամբողջությամբ «մաքրվել» է և մտահոգություն հայտնում արվեստի գործերի ճակատագրի վերաբերյալ, որոնք այդ թանգարանի սեփականությունն են:
Միջազգային կազմակերպությունը պնդում է, որ ադրբեջանական իշխանությունները պետք է բացահայտեն պուրակից հանված քանդակների գտնվելու վայրը և տեղեկացնեն, թե դրանք ինչպես են հասանելի լինելու հանրությանը: