ԵՐԵՎԱՆ, 13 օգոստոսի – Sputnik. Վրաստանի ֆինանսների նախարարության հարկային ծառայությունը 52 տոննա վարակված կարտոֆիլ է առգրավել «Սարպի» մաքսային անցակետում (վրաց-թուրքական սահման)։ Տեղեկությունը հաղորդում է Sputnik Գրուզիան։
Մաքսատան աշխատակիցները կարտոֆիլով բեռնված երկու բեռնատար են կանգնեցրել ստուգելու համար։ Մաքսային վարչության սանիտարական, ֆիտոասանիտարական և անասնաբուժական հսկողության բաժնի աշխատակիցների վերցրած նմուշների լաբորատոր հետազոտության արդյունքում հայտնաբերվել են կարանտինային վնասակար օրգանիզմներ: Կարտոֆիլը վարակված է եղել։
Վրաստանի կառավարության թիվ 463 որոշման համաձայն` նշված բեռը վերադարձվել է արտահանող երկիր՝ Թուրքիա։