ԵՐԵՎԱՆ, 13 օգոստոսի – Sputnik. Վորոնեժում ավտոբուսի պայթյունի պահը ֆիքսել են տեսախցիկները։ Կադրերում երևում է, որ ավտոբուսը կանգնած է կանգառում, իսկ մի քանի վայրկյան անց պայթյուն է որոտում։
ԶԼՄ-ները հայտնել են, որ նախնական տվյալներով` պայթել է գազի սարքավորումը, սակայն փոխադրողի ներկայացուցիչը հայտարարել է, որ ավտոբուսը դիզելային շարժիչով է աշխատում:
Պայթյունի պահին ավտոբուսում 35 ուղևոր է եղել։ Հայտնի է, որ երկուսը մահացել են։
Հիշեցնենք` «ՊԱԶ» մակնիշի երթուղային ավտոբուսը պայթել է երեկ։ Հարուցվել է քրեական գործ: