ԵՐԵՎԱՆ, 8 օգոստոսի - Sputnik. «Բարսելոնա» ֆուտբոլային ակումբի նախագահ Ժոան Լապորտան Twitter-ի իր բլոգում նշել է, որ ակումբից հեռացած Լիոնել Մեսսին ցանկացած պահի կարող է վերադառնալ ակումբ, եթե ուզի։
«Ես լավագույնն եմ մաղթում քեզ և քո ընտանիքին, Մեսսի։ «Բարսելոնայի» դռները միշտ բաց կլինեն քեզ համար։ Շնորհակալություն ամեն ինչի համար»,- գրել է Լապորտան։
Հիշեցնենք` այսօր` օգոստոսի 8-ին տեղի ունեցած հրաժեշտի ասուլիսում Մեսսին հուզվել էր և հայտարարել, որ հույս ունի ապագայում վերադառնալ կատալոնական ակումբ։ Ֆուտբոլիստը երկու տարվա պայմանագիր է կնքում ֆրանսիական ՊՍԺ-ի հետ։
Մեսսին «Բարսելոնայում» է մարզվել 2001 թվականից։ Նա հեռացել է ակումբից ֆինանսական խնդիրների պատճառով․ ակումբն առաջարկել էր նոր պայմանագիր կնքել ֆուտբոլիստի հետ, որով կրկնակի կրճատվելու էր նրա աշխատավարձը։