ԵՐԵՎԱՆ, 7 օգոստոսի - Sputnik. Հայկական «Նոա» ֆուտբոլային ակումբն առաջարկով դիմել է արգենտինացի հայտնի ֆուտբոլիստ Լիոնել Մեսսիին, որը պաշտոնապես հեռացել է իսպանական «Բարսելոնայից»։
«Նոա»-ի Instagram պաշտոնական էջի «Stories» բաժնում հրապարակվել է աշխարհահռչակ ֆուտբոլիստին ուղղված նամակը, որը ուղարկել է ֆուտբոլային ակումբի մամուլի ծառայությունը։
«Հարգելի Լեո, եթե ցանկանաս փոխել վեկտորը, խնդրում ենք դիմել մեզ»,- նշված է հաղորդագրության մեջ։
Ավելի վաղ հայտնի դարձավ, որ Լիոնել Մեսսին հեռացել է «Բարսելոնայից»՝ ֆինանսական խնդիրների պատճառով, որոնք կապված են Իսպանիայի առաջնության հետ։
Մեսսին 34 տարեկան է, նա «Ոսկե գնդակի վեցակի դափնեկիր է։ «Բարսելոնայում» նորամուտը նշել է 2004 թվականին, ակումբի հետ հաղթել է 4 անգամ Չեմպիոնների լիգայում, 10 անգամ ՝ Իսպանիայի առաջնությունում, 7 անգամ ՝ Իսպանիայի Գավաթում: