ԵՐԵՎԱՆ, 6 օգոստոսի – Sputnik. Օլիմպիական խաղերի բրոնզե մեդալակիր, մարմնամարզիկ Արթուր Դավթյանը ֆուտբոլի դաշտ դուրս կհա: Տեղեկությունը հայտնում է «Ուրարտու» ակումբի մամուլի ծառայությունը։
«Հայաստանի պրեմիեր լիգայի 2-րդ տուրի «Ուրարտու»–«Սևան» հանդիպման առաջին խորհրդանշական հարվածը կկատարի «Ուրարտու» ֆուտբոլային ակումբի լավ բարեկամ Արթուր Դավթյանը։ Սա շատ լավ հնարավորություն է բոլոր նրանց համար, ովքեր ցանկանում են նկարվել Արթուրի հետ ու մոտիկից տեսնել նրա օլիմպիական մեդալը»,– նշված է հաղորդագրության մեջ։
Հիշեցնենք, որ օգոստոսի 7-ին VBET Հայաստանի Պրեմիեր լիգայի 2-րդ տուրի շրջանակում «Ուրարտուն» սեփական հարկի տակ կընդունի «Սևանին»։ Հանդիպումը կմեկնարկի ժամը 20։00-ին։