ԵՐԵՎԱՆ, 5 օգոստոսի - Sputnik. «Պատիվ ունեմ» խմբակցության ղեկավար Արթուր Վանեցյանը բացառեց, որ փոխխոսնակ Իշխան Սաղաթելյանի թեկնածությանը քվեարկելիս դաշինքի պատգամավորների ձայներն անվավեր են ճանաչվել:
«Վստահաբար կարող եմ ասել, որ նման մարդիկ չկան: Երրորդ փոխխոսնակին ընտրելու պարտականությունը դրված է իշխանությունների վրա: Եթե նրանք ցանկանում են, որ խորհրդարանը ձևավորվի և անցնի բնական աշխատանքին, ապա թող ապահովեն թեկնածուի ընտրությունը», - ասաց Վանեցյանը:
«Հայաստան» դաշինքի ներկայացուցիչ Իշխան Սաղաթելյանը այսօր երկրորդ փորձով չէր ընտրվել Հայաստանի Ազգային ժողովի փոխնախագահ:
Քվեարկությանը մասնակցել է 103 պատգամավոր` 49 կողմ և 49 դեմ ձայներով, 5 քվեաթերթիկ անվավեր է ճանաչվել: Ընտրվելու համար անհրաժեշտ էր 54 ձայն (ընդդիմությունը խորհրդարանում ունի ընդամենը 36 մանդատ):
Ավելի վաղ պատգամավորները «Քաղաքացիական պայմանագրից» երկու փոխխոսնակ էին ընտրել Ռուբեն Ռուբինյանին և Հակոբ Արշակյանին: Ընդդիմությունը չի մասնակցել նրանց քվեարկությանը:
Խորհրդարանի կառուցվածքում օրենքը նախատեսում է երեք փոխխոսնակ ՝ երկու տեղ տրվում է իշխանությանը, իսկ մեկը ՝ ընդդիմությանը: